ისრაელის პრემიერ-მინისტრის ოფისი „ჰამასთან” მძევლების გათავისუფლებასა და ცეცხლის შეწყვეტის შესახებ შეთანხმების მიღწევას ადასტურებს. ისრაელის პრემიერ-მინისტრის, ბენიამინ ბეთანიაჰუს, ბრძანებით დღეს, 17 იანვარს, ისრაელის უსაფრთხოების კაბინეტი შეიკრიბება, რის შემდეგაც შეთანხმებას მთავრობა დაამტკიცებს.
ღაზაში მიმდინარე 15-თვიანი ომი აშშ-ის, კატარისა და ეგვიპტის შუამავლობით დასრულდა. ღაზის ჯანდაცვის სამინისტროს ცნობით, დაღუპული პალესტინელების რაოდენობა 46,000-ს აჭარბებს. პალესტინაში დარჩენილი მოქალაქეები კი მწვავე ჰუმანიტარული კრიზისის წინაშე არიან.
“In every direction you look in the Gaza Strip there’s destruction.
It looks like a graveyard.”@UNRWA ‘s @UNWateridge describes the unbearable reality in Gaza, stressing that if the bombing stops, people will have nothing to go back to & it will be hard to rebuild their lives. pic.twitter.com/koDtLNJhyM— United Nations (@UN) January 16, 2025
გაერო მიესალმება მხარეებს შორის შეთანხმების მიღწევას. საერთაშორისო ორგანიზაციები იმედოვნებენ, რომ ომით განადგურებულ ღაზაში პალესტინელებს შეუფერხებლად დაეხმარებიან. ამ დრომდე „ჰამასის” ტყვეობაში 101 ადამიანი რჩება.
