ევროპის საბჭოს საპარლამენტო ასამბლეის მონიტორინგის თანამომხსენებლები საქართველოს საკითხებში კლოდ კერნი და ედიტე ესტრელა ფაქტების დამდგენი მისიით საქართველოს ეწვივნენ.
ევროპის საბჭოს საპარლამენტო ასამბლეის ინფორმაციით, ვიზიტი 16 იანვრის ჩათვლით გაგრძელდება და მისი მიზანია, შეაფასოს, საქართველოს, როგორც ევროპის საბჭოს წევრი სახელმწიფოს შესაბამისობა მის ვალდებულებებსა და მოვალეობებთან, განსაკუთრებით ოქტომბრის არჩევნების შემდეგ მიმდინარე პოლიტიკური კრიზისისა და ევროკავშირში გაწევრიანების მოლაპარაკებების შეჩერების ფონზე.
PACE monitoring co-rapporteurs Claude Kern and @editeestrela are to visit Georgia from 14 to 16 January.
More:https://t.co/8X9BcLait7 pic.twitter.com/5WhKGbPs8p
— PACE (@PACE_News) January 10, 2025
საპარლამენტო ასამბლეის მიერ გავრცელებული პრესრელიზის თანახმად, ვიზიტის ფარგლებში, თანამომხსენებლები შეხვდებიან ყველა ძირითადი პოლიტიკური პარტიის ხელმძღვანელობას, ხელისუფლების წარმომადგენლებსა და ინსტიტუტებს, ასევე სამოქალაქო საზოგადოებასა და საერთაშორისო თანამეგობრობას.
პრესრელიზში წერია, რომ ეს არის რეგულარული მონიტორინგის ვიზიტი და არ უნდა განიხილებოდეს, როგორც პოლიტიკური მხარდაჭერა ლეგიტიმურობის, ან იმ თანამოსაუბრეების შეხედულებების მიმართ, რომლებსაც შეხვდებიან.
