უკვე 45-ე დღეა, რუსთაველის გამზირზე მოქალაქეები იკრიბებიან. მათი მოთხოვნები უცვლელია — გათავისუფლდნენ აქციების დროს დაკავებულები და ჩაინიშნოს ხელახალი არჩევნები. ასევე გაიმართა რამდენიმე მსვლელობა და მარში.
დილით, 10:00 საათზე, თბილისის საქალაქო სასამართლოსთან შეიკრიბნენ მოქალაქეები, რათა მხარი დაეჭირათ აქციების დროს დაკავებული მოქალაქეებისთვის, რომლებიც დღეს სასამართლოს გადაწყვეტილებით პატიმრობაში რჩებიან.
