უწყვეტი პროტესტის 39-ე დღეს რუსთაველის გამზირი კვლავ გადაიკეტა. განახლდა საპროტესტო მარშებიც.
რუსთაველის მეტროსთან შეიკრიბნენ სხვადასხვა უნივერსიტეტის სტუდენტები, რომლებმაც მოგვიანებით საკანონმდებლო ორგანოსთან განაგრძეს პროტესტი. დაიგეგმა საპროტესტო მსვლელობა რესპუბლიკის მოედნიდანაც.
საპროტესტო გამოსვლები გაიმართა ბათუმში, ზუგდიდსა და ქუთაისშიც.
აქციის მონაწილეთა მოთხოვნები უცვლელია – დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებული დემონსტრანტები.
