„ერთად საქართველოსთვის, ერთად საერთო ევროპული მომავლისთვის!” – ეს საქართველოში მიმდინარე პროევროპულ დემონსტრაციებზე ქართველი ერის მხარდასაჭერად მყოფი უცხო ქვეყნის მოქალაქეების მთავარი გზავნილებია.
მსოფლიოს სხვადასხვა კუთხიდან საქართველოში სტუმრად ჩამოსული მოქალაქეებიც ქართველი ხალხის მხარდასაჭერად მივიდნენ იქ, სადაც პროტესტი უკვე თვეზე მეტია, არ ნელდება. მათ შორის არიან უკრაინელები, რომლებსაც ყველაზე კარგად ესმით თავისუფლების, დემოკრატიისა და ევროპული მომავლისთვის ბრძოლის ფასი. ერი, რომელიც საქართველოს მსგავსად, არაერთხელ გამხდარა რუსული აგრესიის მსხვერპლი და ახლაც კრემლის წინააღმდეგ აქტიურ ომშია ჩაბმული.
