25 დეკემბერია და ქრისტიანთა დიდი ნაწილი შობის დღესასწაულს აღნიშნავს.
თბილისის ევანგელისტურ-ბაპტისტურ ეკლესიაში, წლევანდელი საშობაო ლიტურგია საქართველოში შექმნილ ვითარებას მიეძღვნა.
ეპისკოპოსებმა მრევლს მიმართეს და თქვეს, რომ სასულიერო პირები ყოველთვის ხალხთან უნდა იდგნენ, რომ შობის დღესასწაული უპირველესად იმედის დღესასწაულია.
დღეს კი საქართველოში ხალხს არაფერი სჭირდება ისე, როგორც იმედი.
სხვადასხვა რელიგიური კონფესიის წარმომადგენლებმა სოლიდარობა გამოუცხადეს მშვიდობიანი საპროტესტო აქციის მონაწილეებს და ისურვეს, რომ 2025 წელი იყოს მშვიდობის, სამართლიანობისა და თავისუფლების წელი საქართველოსთვის და მთელი სამყაროსთვის.
