საქართველოს მთავრობის დადგენილებით, 3 იანვარი, 6 იანვარი, ასევე 8-დან 10 იანვრის ჩათვლით დღეები უქმედ გამოცხადდა.
დოკუმენტის თანახმად, ადმინისტრაციული ორგანო განსაზღვრავს მის დაქვემდებარებაში მყოფ, მის სისტემაში შემავალ იმ სამსახურებსა და მოსამსახურეებს, რომლებსაც არ შეეხებათ ეს დადგენილება, თუ მათი საქმიანობა სახელმწიფოსა და საზოგადოების ნორმალური ფუნქციონირებისთვის წარმოადგენს გადაუდებელ აუცილებლობას.
ასევე დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე.
