საქართველოში მიმდინარე გაფიცვის ტალღას ყოველდღე უერთდებიან სხვადასხვა სფეროს წარმომადგენლები.
თბილისში 13 დეკემბერს მთელი დღის განმავლობაში 17 აქციაა დაგეგმილი. საბოლოო დანიშნულება კი საქართველოს საკანონმდებლო ორგანოა, სადაც 19:00-დან იკრიბებიან დემონსტრანტები და გაგრძელდება პროტესტის მე-16 დღე.
13 დეკემბერს ვაკის პარკიდან მარკეტერების, საზოგადოებასთან ურთიერთობის მენეჯერებისა და შემოქმედებითი ინდუსტრიის წარმომადგენლების მარში დაიძრა.
აქციის მონაწილეები თბილისის სახელმწიფო უნივერსიტეტის პირველ კორპუსთან შეკრებილ IT სპეციალისტების აქციას შეუერთდნენ და პროტესტი სპონტანურად გააგრძელეს გმირთა მოედნისკენ.
