გერმანიის ეკონომიკური თანამშრომლობისა და განვითარების სამინისტრო საქართველოსთან თანამშრომლობის გადახედვაზე მსჯელობს. განცხადებაში აღნიშნულია, რომ ეკონომიკური თანამშრომლობისა და განვითარების სამინისტრო უფლებას იტოვებს, ჩვენს ევროპელ და საერთაშორისო პარტნიორებთან კონსულტაციის შემდგომ გარკვეული ზომები მიიღოს.
გავრცელებულ განცხადებაში ასევე წერია, რომ საქართველოსთან არცერთი ახალი პროექტი არ განხორციელდება და არც სესხის ხელშეკრულებები გაფორმდება.
Die georgische 🇬🇪 Regierung blockiert den #EU-Kurs #Georgiens – entgegen dem Willen der Mehrheit, die eine europäische Zukunft will. Das Entwicklungsministerium überprüft daher die gesamte Zusammenarbeit und wird vorerst keine neuen Projekte mit der georgischen Regierung zusagen.
— Bundesentwicklungsministerium (@BMZ_Bund) December 3, 2024
გერმანიის ეკონომიკური თანამშრომლობისა და განვითარების სამინისტროს მიერ გავრცელებულ განცხადებაში ასევე ვკითხულობთ, რომ 2028 წლის ბოლომდე ევროკავშირთან მოლაპარაკებების შეჩერებასთან დაკავშირებით მიღებული გადაწყვეტილებით, საქართველოს ხელისუფლება, დროებით მაინც, თავისი მოქალაქეების ევროპული მომავლის შანსს ბლოკავს.
