აშშ-ის ჰელსინკის კომისიის თანათავმჯდომარე, სენატორი ბენ კარდინი, სენატორი როჯერ ვიკერი და სენატორი ჯონ კორნი საქართველოში განვითარებულ მოვლენებთან დაკავშირებით ერთობლივ განცხადებას ავრცელებენ.
🇬🇪 Co-Chair @SenatorCardin, Ranking Member @SenatorWicker & @JohnCornyn stand with the Georgian people as they peacefully defend their democratic & European aspirations in the face of violent repression by Georgian Dream. pic.twitter.com/vrYUtRCf6Y
— U.S. Helsinki Commission (@HelsinkiComm) December 3, 2024
როგორც ისინი წერენ, გმობენ მშვიდობიანი მომიტინგეების მიმართ გაჩაღებულ ძალადობას და აღნიშნავენ, რომ თბილისის ქუჩებში ცრემლსადენი გაზის, რეზინის ტყვიების, წყლის ჭავლის, ცემისა და მასობრივი დაკავების ადგილი არაა. მათი განცხადებით, „ქართულმა ოცნებამ”ევროკავშირში გაწევრების მოლაპარაკებებზე უარის თქმით უღალატა ქართველი ხალხის აბსოლუტური უმრავლესობის სურვილის, მიიღოს ევროპული ღირებულებები და ინსტიტუტები.
„საქართველოს ხელისუფლებას, რომელიც პასუხისმგებელია ადამიანის უფლებების დარღვევასა და დემოკრატიული პრინციპების ეროზიაზე, საკუთარი ხალხისა და საერთაშორისო საზოგადოების მხრიდან პასუხისმგებლობა უნდა დაეკისროს. ქართველი ხალხის თავგანწირვა ევროატლანტიკური ინტეგრაციისთვის მოითხოვს ჩვენს სოლიდარობასა და მოქმედებას“, – აღნიშნულია განცხადებაში.
