საქართველოს სხვადასხვა ქალაქში საპროტესტო აქციები გრძელდება. უკვე მეექვსე დღეა, მოქალაქეები აპროტესტებენ ირაკლი კობახიძის განცხადებას, რომლის თანახმადაც, საქართველო აჩერებს ევროკავშირთან მოლაპარაკებებს გაწევრების თაობაზე.
ათიათასობით მოქალაქეა შეკრებილი თბილისში რუსთაველის გამზირზე. 22:00-ის მდგომარეობით, საპოლიციო ძალებს არ გამოუყენებიათ სპეციალური საშუალებები დემონსტრანტების წინააღმდეგ.
პარალელურად, თბილისის საქალაქო სასამართლოში მიმდინარეობს აქციებზე დაკავებულთა სასამართლო პროცესები.
სახალხო დამცველის ინფორმაციით, დაკავებულთა უმეტესობა საუბრობს სამართალდამცველების მხრიდან სასტიკ მოპყრობაზე.
