“აშშ-ის საპრეზიდენტო არჩევნებში დონალდ ტრამპის გამარჯვების შემდეგ უკრაინის მთავრობა დამატებით საბრძოლო იარაღის მოპოვებასა და ბრძოლის ველზე პოზიციების დაკავებას ცდილობს, რათა გააძლიეროს თავისი პოზიცია რუსეთთან შესაძლო მოლაპარაკებებისთვის”, – ამის შესახებ ინფორმაციას „როიტერი“ უკრაინელ მაღალჩინოსანზე დაყრდნობით ავრცელებს.
„როიტერთან“ საუბარში უკრაინელი მაღალჩინოსანი, რომელმაც ანონიმურობა დაიცვა, ამბობს, რომ მომდევნო ოთხი-ხუთი თვე გადამწყვეტი იქნება.
„როიტერთან“ საუბრისას მაღალჩინოსანი ამბობს, რომ უკრაინაში ახლა ელოდებიან, თუ ვინ დაიკავებს ტრამპის ადმინისტრაციაში მთავარ პოზიციებს, რათა მიხვდნენ, რა პოლიტიკას გაატარებენ ისინი უკრაინასთან და უკრაინაში რუსეთის სრულმასშტაბიან შეჭრასთან დაკავშირებით.
