სამართლიანი არჩევნების განცხადებით წინასაარჩევნო პერიოდსა და არჩევნების დღეს გამოვლენილმა ფუნდამენტურმა დარღვევებმა გავლენა მოახდინა ამომრჩევლის თავისუფალი ნების გამოვლენაზე.
“არჩევნების შედეგები ვერ განიხილება, როგორც ამომრჩევლის თავისუფალი ნების გამოხატულება”, – აცხადებენ ორგანიზაციაში.
არჩევნების დღეს ISFED-ის დამკვირვებლებმა საქართველოში და მის ფარგლებს გარეთ გახსნილ საარჩევნო უბნებზე ჯამში 490 ინციდენტი და დარღვევა დააფიქსირეს. დარღვევები ეხება ისეთ საკითხებს, როგორებიცაა: დამკვირვებლის უფლებების შეზღუდვა, ხმის მიცემის ფარულობის დარღვევა, მარკირების პროცედურასთან დაკავშირებული პრობლემები და სხვა.
