ლიეტუვაში საპარლამენტო არჩევნების მეორე ტური გაიმართა. შედეგების მიხედვით, აღმასრულებელ ხელისუფლებას ოპოზიცია დააკომპლექტებს.
ყველაზე მეტი ხმა ოპოზიციურმა „სოციალ-დემოკრატიულმა პარტიამ” მიიღო და ის მმართველი კოალიციის შექმნას გეგმავს, რადგან არ ჰყოფნის ხმები მთავრობის დასაკომპლექტებლად. „სოციალ-დემოკრატებს” ყველაზე მეტი ხმა ჰქონდათ პირველ ტურშიც.
წინასწარი შედეგის მიხედვით, ლიეტუვის დღევანდელ მმართველ „ქრისტიან-დემოკრატიულ პარტიას” 28 მანდატი აქვს. პარტიის ლიდერმა გაბრიელიუს ლანდსბერგისმა „სოციალ-დემოკრატებს” გამარჯვება უკვე მიულოცა. სეიმში 20 დეპუტატი ეყოლება პოპულისტურ პარტიასაც, სახელწოდებით „ნემანის განთიადი“.
