„სოციალური სამართლიანობის ცენტრმა“ და „კავკასიის კვლევითი რესურსების ცენტრმა“ ევროკავშირის მხარდაჭერით ფარული თვალთვალის მექანიზმების სასამართლო ზედამხედველობისა და სოციალურ მედიაში მთავრობის მხარდაჭერით გავრცელებული ანტიდასავლური ნარატივების შესახებ კვლევების შედეგები წარმოადგინეს.
კვლევის ფარგლებში, სოციალური სამართლიანობის ცენტრმა გაანალიზა საკანონმდებლო ბაზა პოლიციისა და უსაფრთხოების სამსახურების მიერ ფარული თვალთვალის ღონისძიებების გამოყენების შესახებ და ფარული თვალთვალის ღონისძიებების სასამართლო ზედამხედველობასთან დაკავშირებით რამდენიმე მნიშვნელოვანი ტენდენცია გამოავლინა.
კავკასიის კვლევითი რესურსების ცენტრი კი, Facebook-ზე „უცხოური გავლენის გამჭვირვალობის შესახებ“ კანონის ირგვლივ მთავრობის მიერ მხარდაჭერილი ანტიდასავლური ნარატივების გავრცელებას დააკვირდა.