საქართველოს საპატრიარქოს საზოგადოებასთან ურთიერთობის სამსახური 26 ოქტომბრის საპარლამენტო არჩევნებთან დაკავშირებით განცხადებას ავრცელებს.
განცხადებაში ნათქვამია, რომ საქართველოს მართლმადიდებელი ეკლესია ერთმნიშვნელოვნად დაუჭერს მხარს ისეთ არჩევანს, რომელიც საქართველოს მოუტანს ხანგრძლივ მშვიდობას და საზოგადოებაში განამტკიცებს იმ ღირებულებებს, რომლებიც ქრისტიანული და ოჯახური ტრადიციების გამყარებას შეუწყობს ხელს.
„შესაბამისად, არჩევნების პერიოდში მოჭარბებული ემოციებისა და დაძაბულობის ფონზე ვთხოვთ სასულიერო პირებს თავიანთ გამონათქვამებსა და მოწოდებებში გაითვალისწინონ, რომ საზოგადოებრივი ერთობისა და სიმშვიდის შენარჩუნებისათვის მათ განსაკუთრებული როლი ენიჭებათ”, – ნათქვამია განცხადებაში.
