15 ოქტომბერს მსოფლიო თეთრი ხელჯოხის საერთაშორისო დღეს აღნიშნავს. თეთრი ხელჯოხი უსინათლო და მცირედმხედველი ადამიანის სიმბოლოა და შესაბამისად, ამ დღესაც ეს დატვირთვა აქვს.
სწორედ ამ თარიღთან დაკავშირებით თბილისში, მეტროსადგურ „თავისუფლების მოედნიდან” პარლამენტისკენ მსვლელობა გაიმართა. თეთრი ხელჯოხის საერთაშორისო დღის აღნიშვნის მიზანი უსინათლობის შესახებ ცნობიერების გაზრდაა და იმ წვლილის აღნიშვნა, რომელიც მათ საზოგადოების განვითარებაში შეაქვთ.
თეთრი ხელჯოხის საერთაშორისო დღე საქართველოში 2011 წლიდან აღინიშნება.
