ისრაელის თავდაცვის ძალებში კიდევ ერთი განცხადება გააკეთეს ირანის თავდასხმასთან დაკავშირებით.
„ირანმა მასირებული სარაკეტო იერიში წამოიწყო და ისრაელის სახელმწიფოს მისამართით 180-ზე მეტი ბალისტიკური რაკეტა გაუშვა. რამდენიმე დარტყმა განხორციელდა ისრაელის ცენტრსა და ქვეყნის სამხრეთ ნაწილში. ირანის მიერ გაშვებული რაკეტების ნაწილი ისრაელის თავდაცვამ, ნაწილი კი ამერიკის შეერთებული შტატების მეთაურობით თავდაცვითმა კოალიციამ მოიგერია. ირანის თავდასხმა არის ესკალაციის სახიფათო პრეცედენტი. ამას მოჰყვება კონკრეტული შედეგები. ისრაელის თავდაცვითი და შეტევითი პოტენციალი საკმაოდ მძლავრია ამისთვის. ჩვენი საოპერაციო გეგმა სრულ მზადყოფნაშია.
“Iran’s attack is a severe and dangerous escalation. There will be consequences…We will respond wherever, whenever and however we choose, in accordance with the directive of the government of Israel.”
Watch IDF Spokesperson RAdm. Daniel Hagari regarding Iran’s large-scale… pic.twitter.com/A8pyC7eawI
— Israel Defense Forces (@IDF) October 1, 2024
ჩვენ ვუპასუხებთ ამ თავდასხმას როცა, როგორც და სადაც ავირჩევთ, ისრაელის ხელისუფლების დირექტივის შესაბამისად. ირანი და მისი მოკავშირეები ისრაელის სახელმწიფოს თავს ესხმიან 2023 წლის 7 ოქტომბრიდან, შვიდ სხვადასხვა ფრონტზე. ისრაელის თავდაცვის ძალები განაგრძობენ ყველაფრის კეთებას, რაც კი საჭიროა სახელმწიფოსა და ისრაელელი ხალხის დასაცავად“, – განაცხადა დანიელ ჰაგარიმ, ისრაელის თავდაცვის ძალების პრესსპიკერმა.
