რუსთავში „კოალიციამ ცვლილებისთვის” პირველი ყრილობა გამართა.
ღონისძიება კოალიციის ერთ-ერთმა ლიდერმა ნიკა გვარამიამ გახსნა, რომელმაც ამომრჩეველს სიტყვით მიმართა. მან სიტყვით გამოსვლაში თავისი საარჩევნო დაპირებები გააცნო სხვადასხვა სფეროში დასაქმებულ პირებს, მთავარი დაპირება კი ევროკავშირში გაწევრება და ის სიკეთეებია, რაც ევროპული ოჯახის წევრობას მოსდევს.
მოქალაქეებს კოალიციის სხვა ლიდერებმაც მიმართეს და აღნიშნეს, რომ 26 ოქტომბრის არჩევნები არ არის ჩვეულებრივი არჩევნები. მათი თქმით, ეს არჩევნები არის ცივილიზაციური ბრძოლა.
