ისრაელის სამხედროები ლიბანში „ჰეზბოლას“ წინააღმდეგ სახმელეთო შეტევისთვის ემზადებიან, – ამის შესახებ ისრაელის თავდაცვის ძალების შტაბის უფროსმა, ჰერცი ჰალევიმ, განაცხადა.
,,თქვენ შეხვალთ, გაანადგურებთ მტერს იქ და მათ ინფრასტრუქტურას. ეს მოგვცემს საშუალებას, მოგვიანებით უსაფრთხოდ დავბრუნდეთ ჩრდილოეთში“,- განაცხადა ისრაელის თავდაცვის ძალების შტაბის უფროსმა ჰერცი ჰაველიმ.
ისრაელის არმიაში ეს განცხადება მას შემდეგ გაკეთდა, რაც ,,ჰეზბოლამ“ ისრაელის მიმართულებით ათობით ჭურვი ისროლა, მათ შორის თელ-ავივისკენ.
ისრაელის თავდაცვის სისტემამ „ჰეზბოლას“ მებრძოლთა შეტევის მოგერიება შეძლო. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ მისი ქვეყანა გააგრძელებს ბრძოლას ლიბანში ,,ჰეზბოლას“ წინააღმდეგ, სანამ ჩრდილოეთ ისრაელის დევნილი მოსახლეობა არ დაბრუნდება სახლში.
Prime Minister Benjamin Netanyahu:
“I cannot detail everything we are doing, but I can tell you one thing – we are determined to return our residents in the north home safely. pic.twitter.com/eslGkmD1RP
— Prime Minister of Israel (@IsraeliPM) September 25, 2024
,,ჰეზბოლას“ ისეთ დარტყმებს ვაყენებთ, როგორსაც ვერც წარმოიდგენდნენ; ერთ რამეს გპირდებით: არ გავჩერდებით, სანამ ისინი სახლში არ დაბრუნდებიან“, – განაცხადა ისრაელის პრემიერ-მინისტრმა ბენიამინ ნეთანიაჰუმ.
ლიბანის ჯანდაცვის მინისტრის თქმით, გასული 24 საათის განმავლობაში ლიბანში ისრაელის საჰაერო თავდასხმებს 50-ზე მეტი ადამიანი ემსხვერპლა. ბოლო სამი დღის განმავლობაში 615 ადამიანი დაიღუპა.
ორშაბათიდან იძულებით გადაადგილებულ პირთა რაოდენობა 90 000-ამდე გაიზარდა.
ევროკავშირის საგარეო პოლიტიკის ხელმძღვანელმა ჯოზეფ ბორელმა, გაეროს გენერალურ ასამბლეაზე გამოსვლისას ახლო აღმოსავლეთში მოსალოდნელ ესკალაციაზე ისაუბრა და მხარეებს სიმშვიდისკენ მოუწოდა.
