„საქართველო მართლაც გარდამტეხ მომენტშია” – ამის შესახებ საქართველოს პრეზიდენტმა სალომე ზურაბიშვილმა განაცხადა ორბელიანების სასახლეში სიტყვით გამოსვლისას, სადაც მან თბილისის მე-8 საერთაშორისო კონფერენციის „გარდამტეხი წელი” ორგანიზატორებსა და მონაწილეებს უმასპინძლა.
პრეზიდენტის განცხადებით, ტრაგედიაა, როდესაც კონკრეტული პირები მთავარ პარტნიორებს წლების განმავლობაში ომის პარტიას უწოდებენ და არაფერს ამბობენ მეზობელ ქვეყანაზე, რომელსაც საქართველოს ტერიტორიის 20% ოკუპირებული აქვს.
სალომე ზურაბიშვილის თქმით, მას სჯერა, რომ მოსახლეობა არჩევნებზე თავის სიტყვას იტყვის და ის ენდობა ქართველ ხალხს. პრეზიდენტმა საუბრისას ასევე „უცხოური გავლენის გამჭვირვალობის შესახებ” კანონზეც გაამახვილა ყურადღება.
