საკონსტიტუციო სასამართლოში „უცხოური გავლენის გამჭვირვალობის შესახებ” კანონის წინააღმდეგ სარჩელების თაობაზე განმწესრიგებელი სხდომა დასრულდა. პროცესი სამი დღის განმავლობაში მიმდინარეობდა.
როდის მიიღებს და გამოაცხადებს საკონსტიტუციო სასამართლოს პლენუმი გადაწყვეტილებას სარჩელების არსებითად განხილვის თაობაზე, ჯერჯერობით უცნობია.
სხდომის ბოლოს საკონსტიტუციო სასამართლოს თავმჯდომარემ მერაბ ტურავამ განაცხადა, რომ სასამართლო აქტის მიღების შესახებ მხარეებს დამატებით ეცნობებათ.
