ბუდაპეშტში მიმდინარე ევროკავშირის იუსტიციისა და შინაგან საქმეთა მინისტრების არაფორმალურ სამიტს ევროკავშირის არაერთმა წევრმა ქვეყანამ ბოიკოტი გამოუცხადა და შეხვედრაზე მინისტრების ნაცვლად მათი მოადგილეები ან შედარებით დაბალი რანგის ოფიციალური პირები არიან წარმოდგენილნი.
ლიეტუვის შინაგან საქმეთა მინისტრის მოადგილე არნოლდას აბრამავიჩიუსის განცხადებით, ევროკავშირის წევრი ქვეყნების გადაწყვეტილება უნგრეთის საგარეო პოლიტიკიდან გამომდინარეობს. კონკრეტულად კი უნგრეთის პრემიერ-მინისტრის რუსეთის პრეზიდენტ ვლადიმირ პუტინთან შეხვედრა იგულისხმება. მისი თქმით, ეს არა ბოიკოტი, არამედ ევროკავშირის მხრიდან აზრის გამოხატვაა.
![](https://euronewsgeorgia.com/wp-content/uploads/2024/07/putin-2.jpg)
ვიქტორ ორბანის ვლადიმირ პუტინთან შეხვედრის შემდეგ ევროკავშირის საგარეო საქმეთა მინისტრების შეხვედრა, რომლისთვისაც უნგრეთს უნდა ემასპინძლა, ბელგიაში გაიმართება. ამის შესახებ ევროკავშირის უმაღლესმა წარმომადგენელმა ჯოზეფ ბორელმა განაცხადა.