უნგრეთში სითბური ტალღებით გამოწვეული ძლიერი სიცხეა. უკვე ხუთი დღეა, ქვეყანაში გაფრთხილების მესამე დონეა გამოცხადებული.
ოფიციალური პირები მოსახლეობას მოუწოდებენ, მიიღონ საკმარისი წყალი და თავი არ დაიტვირთონ, რადგან ძლიერი სიცხე ადამიანის ორგანიზმისთვის დამატებითი სტრესია.
ექსპერტების თქმით, ამ დღეების განმავლობაში, ტემპერატურა საშუალო მაჩვენებელს 8-10 გრადუსით აღემატება. თუ ასეთი სიცხეები გაგრძელდება, ამჟამინდელი სითბური ტალღა, შესაძლოა, უნგრეთის ისტორიაში ერთ-ერთი ყველაზე მასშტაბური გამოდგეს.
პროგნოზის მიხედვით, პიკური ტემპერატურა სამშაბათს იქნება და 38 გრადუს ცელსიუსს მიაღწევს. დანარჩენი კვირის განმავლობაში კი 33 გრადუსი ცელსიუსი შენარჩუნდება.
