„ევროკავშირის გაფართოება – გეოპოლიტიკური საჭიროება და შემდგომი ნაბიჯები ევროკავშირის კანდიდატი ქვეყნებისთვის“ – ასე ჰქვია კონფერენციას, რომელიც დღეს გაიხსნა თბილისში და ორი დღის განმავლობაში გაგრძელდება.
კონფერენცია დახურულ ფორმატში მიმდინარეობს და მასში მონაწილეობას იღებენ როგორც საქართველოს სამოქალაქო სექტორის წარმომადგენლები ასევე ევროკავშირის წევრი და კანდიდატი ქვეყნების წარმომადგენლები.
ორდღიანი კონფერენციის მიზანი, იმ პლატფორმის შექმნაა, რომელიც აღმოსავლეთ პარტნიორობისა და დასავლეთ ბალკანეთის კანდიდატ ქვეყნებს გააერთიანებს და ხელს შეუწყობს ევროკავშირში გაწევრების გზაზე არსებული შესაძლებლობების ეფექტიანად გამოყენებას.
