სამიტის წინ, რომელიც ალიანსის 75 წლისთავს ეძღვნება, შეერთებული შტატების თავდაცვის მდივანი ლოიდ ოსტინი ნატოს გენერალურ მდივანს იენს სტოლტენბერგს პენტაგონში შეხვდა. მათი განცხადებით, ისინი გააგრძელებენ მუშაობას ალიანსის გაძლიერებისთვის. ეს მოვლენები კი უპრეცედენტო გამოწვევების – უკრაინაში რუსეთის აგრესიის ფონზე ხდება.
რუსეთი აგრძელებს უკრაინაში სასტიკ ომსა და ავიაიერიშებს, რომლებსაც უდანაშაულო მშვიდობიანი მოქალაქეები, მათ შორის ბავშვები ეწირებიან. ნატოს გენერალური მდივანი იენს სტოლტენბერგი გმობს ამ საშინელ თავდასხმებს.
ექსპერტებს მიაჩნიათ, რომ ნატოს საიუბილეო სამიტი არ იქნება საზეიმო შეკრება. მათი აზრით, ეს იქნება სერიოზული სამიტი, მსოფლიოში არსებული სერიოზული გეოპოლიტიკური დაძაბულობის ფონზე.https://t.co/B3fl6ipc6w
— Euronews Georgia (@EuronewsGeorgia) July 8, 2024
სამიტზე ლიდერები მიიღებენ გადაწყვეტილებებს იმასთან დაკავშირებით, თუ როგორ გააძლიერონ მხარდაჭერა უკრაინისადმი.
სტოლტენბერგის თქმით, ნატო არ დაიღლება უკრაინის გვერდით დგომით, რუსეთმა კი უნდა გაიაზროს, რომ საბოლოოდ ამ ომიდან უკრაინელი ხალხი, როგორც სუვერენული, დამოუკიდებელი ერი, ისე გამოვა.
I welcomed President @ZelenskyyUa to #NATO to discuss our preparations for the Washington Summit, now just two weeks away. More support to #Ukraine will be on top of our agenda, and we are on track for a successful summit. pic.twitter.com/w47XXPmfhO
— Jens Stoltenberg (@jensstoltenberg) June 27, 2024
უკრაინაში მიმდინარე ომის გარდა, ჩინეთიდან და ახლო აღმოსავლეთიდან მომდინარე მზარდმა გამოწვევებმა ეჭვქვეშ დააყენა რამდენიმე საკვანძო წევრი ქვეყნის მიერ მოკავშირეების დაცვის საკითხი.
მეორე მხრივ, ჩნდება კითხვა, რამდენად აქვს ჯო ბაიდენს იმის შესაძლებლობა, რომ დაამარცხოს თავისი წინამორბედი და ნატოს მიმართ სკეპტიკურად განწყობილი დონალდ ტრამპი და უხელმძღვანელოს ალიანსის ყველაზე ძლიერ წევრ ქვეყანას.
