ლიანა ისაკაძე გარდაიცვალა. ცნობილი მევიოლინე 78 წლის იყო. თანამედროვე საქართველოს ერთ-ერთი გამორჩეული მუსიკოსი 1946 წელს დაიბადა. მუსიკოსს არაერთი ჯილდო, პრიზი თუ პრემია აქვს მიღებული.
ლიანა ისაკაძე იყო ბათუმისა და თბილისის საპატიო მოქალაქე. მიღებული აქვს ღირსების ორდენი მუსიკალური ხელოვნების განვითარებისა და მისი პოპულარიზაციის საქმეში შეტანილი დიდი წვლილისთვის.
ის იყო არაერთი მუსიკალური ფესტივალის დამფუძნებელიც.
