საქართველო იმ ქვეყნების ათეულში შედის, სადაც ყველაზე მეტი ინდოელი სტუდენტი სწავლობს. კერძოდ, ამ სიაში ჩვენს ქვეყანას მეცხრე ადგილი უკავია აშშ-ის, კანადის, დიდი ბრიტანეთის, ავსტრალიის, გერმანიის, არაბთა გაერთიანებული საამიროების, რუსეთისა და ყირგიზეთის შემდეგ.
საინვესტიციო ბანკ Galt&Tagart-ის განათლების სექტორის კვლევის მიხედვით, ამჟამად საქართველოში 16 ათასზე მეტი ინდოელი სტუდენტი სწავლობს, 2028 წლისთვის კი მათი რაოდენობა შეიძლება გაორმაგდეს, რაც უმაღლესი განათლების სისტემას წლიურად 160 მილიონ დოლარს შესძენს.
ინდოელი სტუდენტებისთვის საქართველოს პოპულარობას სწავლისა და საცხოვრებელი ხარჯების შედარებითი სიიაფე, პირდაპირი საჰაერო მიმოსვლა და ქართული დიპლომების ინდოეთში აღიარების წესი განაპირობებს.
