ნატომ თავის მომავალ გენერალურ მდივნად მარკ რუტე დანიშნა. ნიდერლანდების პრემიერ-მინისტრი მსოფლიოს უსაფრთხოების უდიდეს ორგანიზაციას უხელმძღვანელებს. რუტეს დანიშვნა ნატოს ელჩებმა ბრიუსელში, 32 ქვეყნის ალიანსის შტაბ-ბინაში, გამართული შეხვედრის დროს დაამტკიცეს.
მარკ რუტემ დაარწმუნა დაარწმუნა სკეპტიკოსი, მათ შორის, უნგრეთის პრემიერ-მინისტრი ვიქტორ ორბანი და თურქეთის პრეზიდენტი რეჯეფ თაიფ ერდოღანი, მხარი დაეჭირათ მისი კანდიდატურისთვის. ამერიკის შეერთებული შტატების პრეზიდენტი ჯო ბაიდენი და მისი კოლეგები რუტეს ოფიციალურად წარადგენენ, როგორც გენერალურ მდივანს, 9 ივლისს ნატოს 3-დღიან სამიტზე.
საქართველოს პრეზიდენტმა სალომე ზურაბიშვილმა ნატოს მომავალ გენერალურ მდივან მარკ რუტეს მიულოცა თანამდებობაზე არჩევა. სოციალურ მედია X-ზე გავრცელებულ განცხადებაში, საქართველოს პრეზიდენტმა ნდობა გამოუცხადა რუტეს ხელმძღვანელობას და ხაზი გაუსვა ნატოს როლის მნიშვნელობას გლობალური უსაფრთხოებისა და სტაბილურობის უზრუნველყოფაში.
Congratulations to Mark Rutte upon your election as @NATO Secretary General
In these crucial and turbulent times, your role will be essential for preserving democracy and freedom, while helping to restore lasting peace
1/2 🧵
— Salome Zourabichvili (@Zourabichvili_S) June 26, 2024
