რუსეთის ჩრდილო-კავკასიის რეგიონში, დაღესტნის ორ ქალაქში, დერბენტსა და მაჰაჩყალაში, ტერორისტული თავდასხმების შედეგად, 15 პოლიციელი და რამდენიმე მშვიდობიანი მოქალაქე დაიღუპა.
23 ივნისს შეიარაღებულმა პირებმა ერთდროულად გაუხსნეს ცეცხლი მართლმადიდებელ ეკლესიას, სინაგოგასა და პოლიციის ბლოკ-პოსტს.
სამი თვე გავიდა მას შემდეგ, რაც ისლამურმა სახელმწიფომ მოსკოვთან ახლოს საკონცერტო დარბაზში მოაწყო ტერორისტული აქტი, რომელსაც 145 ადამიანი ემსხვერპლა.
ეს თავდასხმა რუსეთის უახლეს ისტორიაში ერთ-ერთ ყველაზე სისხლიან ტრაგედიად შეფასდა.
ეროვნულმა ანტიტერორისტულმა კომიტეტმა დაღესტანში თავდასხმების შემდეგ კონტრტერორისტული ოპერაციის შესახებ განაცხადა.
კვირა მართლმადიდებელ ეკლესიაში მნიშვნელოვანი დღე იყო, ქრისტიანები სულთმოფენობის დღესასწაულს აღნიშნავდნენ.
დაღესტანი მეტწილად რუსეთის მუსლიმანური რეგიონია, რომელიც ჩეჩნეთის რეგიონსა და საქართველოს ესაზღვრება.
