უჩვეულოდ ძლიერი წვიმისა და ძლიერი წყალდიდობის გამო ავღანეთის ჩრდილოეთ და დასავლეთ რეგიონებში ბევრი სოფელი და ქალაქი დაიტბორა, განადგურდა საცხოვრებელი სახლები და მოსავალი, დაზარალდა ათიათასობით ოჯახი. სტიქიის შედეგად დაიღუპა ასობით მოქალაქე. გაეროს ბავშვთა სააგენტოს ინფორმაციით, ათიათასობით არასრულწლოვანია საცხოვრებლის გარეშე დარჩენილი. მათ შორისაა თერთმეტი წლის ჰაჯერა, რომელიც ჩრდილოეთ ავღანეთის ერთ-ერთი სოფლიდანაა.
Tens of thousands of children in Afghanistan remain affected by ongoing flash floods.
UNICEF calls for increased investment in disaster preparedness and climate resilience. #ClimateAction https://t.co/srLfPidY3n
— UNICEF (@UNICEF) June 3, 2024
„მე ვარ ბაღლანის სოფელ შაიხ ჯალალიდან. სახლში ვიყავი, როცა ჩვენი სახლი წყალდიდობამ დაანგრია. სამნი გადავრჩით. ჩემი და დაიღუპა. წყალმა წაგვიღო, მე, მამაჩემმა და ჩემმა ძმამ წყლიდან გამოსვლა მოვახერხეთ. თუმცა ჩემმა დამ ეს ვერ შეძლო. მან მთხოვა, ხელი მომეკიდა, თუმცა მე ეს ვერ შევძელი… ის დინებამ წაიღო. წყალდიდობამ ჩვენი სახლი და ქონება გაანადგურა. აღარაფერი დაგვრჩა”, – ამბობს ჰაჯერა.
UNICEF-ისა და გაეროს ბავშვთა სააგენტოს განცხადებით, ექსტრემალურმა ამინდმა, რომელიც კლიმატის კრიზისითაა გამოწვეული, ათიათასობით ბავშვი დააზარალა და უსახლკაროდ დატოვა. გასულ კვირას საერთაშორისო საქველმოქმედო ორგანიზაციამ Save the Children განაცხადა, რომ ავღანეთში დაახლოებით 6,5 მილიონი ბავშვი შიმშილის კრიტიკულ ზღვარზეა.
