სამხრეთ კორეაში აკრიტიკებენ ფხენიანს მათ ტერიტორიაზე საჰაერო ბუშტებით ნაგვისა და ნაკელის გაგზავნის გამო.
სეულის გაერთიანებულ შტაბებში თქვეს, რომ ეს არის ზავის დარღვევა და უღირსი ქმედება. გაერთიანებულ შტაბში ასევე აღწერეს თუ რა იყო მოთავსებული დაახლოებით 200 საჰაერო ბუშტში, რომელიც სამხრეთ კორეის ტერიტორიაზე მოხვდა. მათი თქმით, ეს ბუშტები სავსე იყო ნაკელით, სიგარეტის ნამწვავებით და გამოყენებული ბატარეებით. მათივე ცნობით, ნაგავში ქიმიური ნივთიერება არ აღმოჩნდა.
ჩრდილოეთ კორეამ სამხრეთ კორეაში საჰაერო ბუშტებით ნაგავი გაგზავნა.
სეული მოქალაქეებს ურჩევს არ მიეკარონ ნაგვით სავსე საჰაერო ბუშტებს.
თემაზე ვრცლად 👉 https://t.co/nJHNBc0Yko
©️ Yonhap via REUTERS pic.twitter.com/me95ZXVR1m
— Euronews Georgia (@EuronewsGeorgia) May 29, 2024
სამხრეთ კორეაში გუშინ ჩრდილოეთ კორეიდან 200 ნაგვით სავსე ბუშტი შეფრინდა. ფხენიანში თქვეს, რომ ეს იყო ერთგვარი საპასუხო ქმედება, რომელიც მოჰყვა სამხრეთ კორეის აქტივისტების მიერ ჩრდილოეთ კორეაში საინფორმაციო პროპაგანდისტული ბროშურების გაგზავნას.
