დეივიდ კამერონი სოციალურ ქსელში „უცხოური გავლენის გამჭვირვალობის შესახებ” კანონზე საქართველოს პრეზიდენტის მიერ დადებული ვეტოს დაძლევაზე განცხადებას პლატფორმაზე X ავრცელებს. მისი თქმით, ქვეყნის ხელისუფლებამ ევროატლანტიკურ გზას გადაუხვია, თუმცა ბრიტანეთი ქართველი ხალხისა და მისი გაცხადებული სურვილის მხარდაჭერას განაგრძობს.
„ქართველი ხალხის სურვილი გამოკვეთილია, მათი მომავალი ევროატლანტიკურ ოჯახშია. პრეზიდენტ სალომე ზურაბიშვილის ვეტოს დაძლევითა და „უცხოური გავლენის გამჭვირვალობის შესახებ“ კანონის მიღებით საქართველოს ხელისუფლებამ ამ გზიდან გადაუხვია. ბრიტანეთი კი განაგრძობს ქართველი ხალხის მხარდაჭერას“, – წერს გაერთიანებული სამეფოს საგარეო საქმეთა მინისტრი სოციალურ ქსელში X.
The Georgian people have been clear: their future is with the Euro-Atlantic community.
By overriding President @Zourabichvili_S‘s veto to adopt the law on foreign influence, the Georgian Government has stepped away from these aspirations.
The UK stands with the Georgian people.
— David Cameron (@David_Cameron) May 30, 2024
