ბოსნიელი სერბების ლიდერი, ბოსნიის ავტონომიური სერბული რესპუბლიკის პრეზიდენტი, მილორად დოდიკი აცხადებს, რომ ავტონომიური რესპუბლიკა ბოსნია-ჰერცეგოვინას ტოვებს.
ავტონომიური სერბული რესპუბლიკის პრეზიდენტის თქმით, ეს პროცესი მშვიდობიანი იქნება.
“ავტონომიური სერბული რესპუბლიკა დეიტონის შეთანხმების ხელმომწერია, ამავე დროს ბოსნია-ჰერცეგოვინას კონსტიტუციისა, სადაც არის დებულება სახელმწიფოს შემადგენლობიდან გასვლის თაობაზეც. დღეს ჩვენ ვტოვებთ ამ გაერთიანებას, მშვიდობით, ძალადობის გარეშე. სულ იყო საუბარი სიცოცხლისუნარიანი ბოსნია-ჰერცეგოვინას შესახებ, ვნახოთ რამდენად სიცოცხლისუნარიანი იქნება ის ახლა”, – განაცხადა მილორად დოდიკმა, ავტონომიური სერბული რესპუბლიკის პრეზიდენტმა.
ეს განცხადება მილორად დოდიკმა გააკეთა რამდენიმე საათით ადრე, ვიდრე გაიმართება დღეს, 23 მაისს, გაერთიანებული ერების ორგანიზაციაში სხდომა, სადაც კენჭს უყრიან რეზოლუციას, რომელიც 11 ივლისის სრებრენიცაში დაღუპულთა ხსოვნის დღედ გამოცხადებას ითვალისწინებს.
У наредних 30 дана биће предложен споразум о мирном разграничењу. Данас крећемо с формалном одлуком да се тражи мирно разграничење. Предложићемо да се прво разјасне политичке надлежности у вези с ентитетима, а да сачувамо и оставимо садашњи модел функционисања привреда и у року… pic.twitter.com/F76qkmxEU3
— Милорад Додик (@MiloradDodik) May 23, 2024
დოდიკი ამბობს, რომ ბოსნიელი სერბები არ მიიღებენ არც რეზოლუციას და არც იმას, რაც მასში წერია.
სერბეთის პრეზიდენტი ვუჩიჩი და მისი მთავრობა აწარმოებენ კამპანიას როგორც გაეროში, ასევე განვითარებად ქვეყნებში, რათა არ დამტკიცდეს რეზოლუცია.
