საქართველოს პარლამენტთან საპროტესტო აქცია მიმდინარეობს. აქციის ლოზუნგია “გავათენოთ საქართველოსთვის”. მოქალაქეები „უცხოური გავლენის გამჭვირვალობის შესახებ” კანონპროექტს აპროტესტებენ. ისინი აპირებენ რუსთაველის გამზირზე გაათენონ. 13 მაისის დილას პარლამენტში სადავო კანონპროექტის მესამე საკომიტეტო მოსმენაა დაგეგმილი.
რუსთაველის გამზირზე, საკანონმდებლო ორგანოსთან, მობილიზებულია პოლიცია.
საქართველოს დედაქალაქსა და რეგიონებში საპროტესტო აქციები თითქმის ერთი თვეა მიმდინარეობს.
