სომხეთისა და აზერბაიჯანის ხელისუფლებათა წარმომადგენლების მიერ გავრცელებული ინფორმაციის თანახმად, ორმა სახელმწიფომ საზღვრის დემარკაცია წამოიწყო.
გასულ თვეს სომხეთის პრემიერ-მინისტრი ნიკოლ ფაშინიანი დათანხმდა ბაქოს მოთხოვნას ოთხი სოფლის დაბრუნებაზე. ორი სახელმწიფო შეთანხმდა საზღვრების საბჭოთა ვერსიის მიხედვით მოქმედებაზე. ამ გადაწყვეტილებამ კი სომხურ სოფლებში უკმაყოფილება გამოიწვია.
ეს ტერიტორია სომხეთისთვის სტრატეგიული მნიშვნელობის არის, მასზე გადის საქართველოსთან დამაკავშირებელი გზა, რომელიც სომხეთის ეკონომიკისთვის უდიდესი მნიშვნელობის მატარებელია ანკარასა და ბაქოსთან არსებული ურთიერთობების ფონზე.
