უკრაინელები მიესალმებიან აშშ-ის წარმომადგენელთა პალატის გადაწყვეტილებას – 61 მილიარდი დოლარის დახმარების პაკეტი უკრაინის უსაფრთხოებასა და თავდაცვის ძალების გაძლიერებას მოხმარდება.
ეს იმ ფართო პაკეტის ნაწილია, რომელიც ვაშინგტონის სხვა მოკავშირეების, მათ შორის ისრაელისა და ტაივანის, დახმარებასაც ითვალისწინებს.
ვოლოდიმირ ზელენსკი აცხადებს, რომ პოლიტიკურ გადაწყვეტილებებს სწრაფად უნდა მოჰყვეს შეიარაღება ფრონტის ხაზებზე, რაც მისი თქმით, ვითარებას შეცვლის.https://t.co/EvLUcflF5v
— Euronews Georgia (@EuronewsGeorgia) April 22, 2024
უკრაინელი ტატიანა რიავჩენუკის ქმარი ომის დაწყების დღიდან ფრონტის ხაზზეა. ის 2 წლის ქალიშვილთან ერთად ცხოვრობს – „ჩვენ კარგად ვცხოვრობდით მშვიდობიან დროს, შემდეგ, როდესაც ომმა ჩვენს ფანჯარაზე დააკაკუნა, იძულებული გავხდით, სახლი დაგვეტოვებინა. ჩემმა ქმარმა დაგვტოვა მაშინ, როცა ჩვენი პატარა, რვა თვის იყო და წავიდა თავისი ოჯახის, მისი სახლის, უკრაინის დასაცავად და ახლა ის აგრძელებს ჩვენი და ჩვენი უკრაინის დაცვას, ჩვენ მას ველოდებით“, – ამბობს ხარკივის მკვიდრი.
საერთაშორისო საზოგადოებას მიაჩნია, რომ წარმომადგენელთა პალატის მიერ 20 აპრილს დამტკიცებული პაკეტი რუსეთის აგრესიის პირობებში ერთგვარი მაშველი რგოლია უკრაინისთვის. უკრაინაში ომი 26 თვეა მიმდინარეობს. უკრაინელებს საერთაშორისო დახმარების იმედი აქვთ.
