საქართველოს პარლამენტთან დილიდან შეიკრიბნენ მოქალაქეები, რომლებიც მთელი დღის განმავლობაში აპროტესტებდნენ საკანონმდებლო ორგანოში „უცხოური გავლენის გამჭვირვალობის შესახებ“ კანონპროექტის განხილვას.
აქციის მონაწილეები მედიასთან აცხადებდნენ, რომ საქართველოს ხელისუფლებამ ერთი წლის წინ დადებული პირობა დაარღვია. სწორედ ერთი წლის წინ გაიწვია მმართველმა პარტიამ სადავო კანონპროექტი უკან, იმ დათქმით, რომ პარლამენტი მის განხილვას აღარ დაუბრუნდებოდა.
