სერბეთის პრეზიდენტი ალექსანდარ ვუჩიჩი პარიზში ვიზიტით იმყოფებოდა. ფრანგული მოიერიშე თვითმფრინავების ,,რაფალის“ შესყიდვის შესახებ ინოვაციური გარიგება, ფაქტობრივად, შემდგარია.
ალექსანდარ ვუჩიჩმა და საფრანგეთის თავდაცვის მინისტრმა სებასტიან ლეკორნუმ 12 ფრანგული თვითმფრინავის შეძენის საკითხი განიხილეს. სერბეთის პრეზიდენტის თქმით, კონტრაქტი ორ თვეში გაფორმდება.
Хвала председнику @EmmanuelMacron на томе што је увек желео да чује Србију, хвала Француској на подршци нашем европском путу, и што сте схватили да сви заједно морамо да чувамо мир на Западном Балкану. pic.twitter.com/bswSLDOHqY
— Александар Вучић (@avucic) April 8, 2024
„რაფალის“ შეთანხმება მიანიშნებს იმას, რომ ბელგრადი, რომელიც ტრადიციულად რუსეთის სამხედრო პარტნიორია, ნელ-ნელა ცვლის სტრატეგიას დასავლეთისკენ. ორდღიანი ვიზიტის დროს ვუჩიჩმა პრეზიდენტ ემანუელ მაკრონთან სერბეთ-კოსოვოს სამშვიდობო პროცესის შეფერხებასა და სერბეთის ევროკავშირში გაწევრების საკითხზე ისაუბრა.
სერბული მედიის ცნობით, სერბეთს საფრანგეთიდან მოიერიშე თვითმფრინავების შესაძენად 3 მილიარდი ევრო აქვს გამოყოფილი.
