მუსლიმური სამყარო ემზადება ეიდ ალ-ფითრის აღსანიშნად. თუმცა ავღანეთში სუსტი ეკონომიკისა და უმუშევრობის მაღალი დონის გამო საზეიმო განწყობა არ არის.
„არის უმუშევრობის პრობლემა, არ არის სამუშაო ადგილები, არ არის ფული, რომ ხალხმა შეძლოს ხილის ყიდვა. ხელფასი არ არის, დასაქმების დონე ნულის ტოლია“, – განაცხადა მუჰამედ ასიფიმ.
ქაბულის ქუჩებში უკვე დაიწყეს ტრადიციული ტკბილეულის, სემიანის გაყიდვა.
ამ დღესასწაულს მუსლიმები მთელ მსოფლიოში ისლამური მარხვის წმინდა თვის – რამადანის დასასრულს აღნიშნავენ. რამადანის პერიოდში განთიადიდან მზის ჩასვლამდე მუსლიმები უარს ამბობენ ყველანაირ საკვებსა და სასმელზე. ეიდ ალ-ფითრის აღნიშვნა ჩვეულებრივ სამ დღეს გრძელდება. ამ დროს მუსლიმები მეჩეთებში ლოცულობენ და დროს ოჯახებთან ერთად ატარებენ. ამ დროს ისინი ასევე მიირთმევენ ჩირსა და თხილს.
ქაბულში სემიანის გამყიდველი აჰმად ალი თავის ბიზნესზე დარდობს.
“ყველა უმუშევარია, ბიზნესი კარგია დღესასწაულის ბოლომდე. თუმცა მისი დამთავრების შემდეგ ღამეს სემიანის ყიდვა შემცირდება. ქაბულში უმუშევრობა და სიღარიბეა”, – ამბობს აჰმად ალი.
2021 წლის აგვისტოში ავღანეთიდან ამერიკის შეერთებული შტატების სამხედრო ძალების ქაოსური გასვლის შემდეგ ხელისუფლება “თალიბების” ხელში აღმოჩნდა. ავღანეთის ეკონომიკური ვითარება, რომელიც ისედაც დამოკიდებული იყო უცხოურ დახმარებაზე, “თალიბების” მმართველობის პერიოდში კიდევ უფრო გაუარესდა.
