გაერთიანებული ერების ორგანიზაციის გენერალური მდივანი ანტონიო გუტერეში კიდევ ერთხელ საუბრობს ღაზის სექტორში ისრაელსა და “ჰამასს” შორის მიმდინარე ომზე. გაეროს მაღალჩინოსანი ისრაელს აკრიტიკებს და აცხადებს, რომ ღაზის სექტორში ჰუმანიტარული საქმიანობით დაკავებული ადამიანების დაღუპვაში უდიდესი წვლილი ისრაელის ხელისუფლების მიერ არჩეული სტრატეგიის ბრალია.
Six months into the war, women and girls in #Gaza have almost no access to water, food, health care, and much more.
Here’s what 3 women had to say about what has been lost.
https://t.co/q4F0JYjCSx pic.twitter.com/CZRDSYJQms— UN Women (@UN_Women) April 3, 2024
“მე ძალიან შეშფოთებული ვარ ისრაელის თავდაცვის ძალების მიერ საბრძოლო მოქმედებებში ხელოვნური ინტელექტის გამოყენებით, განსაკუთრებით კი მჭიდროდ დასახლებულ ადგილებში. სწორედ ეს იწვევს საშინელ მსხვერპლს მშვიდობიან მოსახლეობაში. გასულ კვირას ჰუმანიტარული საქმიანობით დაკავებული 7 ადამიანი დაიღუპა, საერთო ჯამში ჩვენი 200-ამდე თანამშრომელია ამ ომის შედეგად დაღუპული და მე მსურს გავიგო თითოეული მათგანის დაღუპვის მიზეზი”, – განაცხადა ანტონიო გუტერეშმა, გაეროს გენერალურმა მდივანმა.
გაეროს უშიშროების საბჭომ ისრაელს ღაზის სექტორში სამხედრო მოქმედებების შეწყვეტისკენ მოუწოდა, რამდენიმე დღის წინ მიღებული რეზოლუციით.
