სერბეთის ხელისუფლება ბელგრადში ხელახალი მუნიციპალური არჩევნების ჩატარებას აპირებს.
სერბეთის ხელისუფლებამ ეს გადაწყვეტილება ოპოზიციის მასობრივი პროტესტისა და ეუთოს დემოკრატიული ინსტიტუტებისა და ადამიანის უფლებების ოფისის მიერ გასული წლის 17 დეკემბერს ჩატარებული კენჭისყრის უარყოფითი შეფასებების შემდეგ მიიღო.
ოპოზიცია ხელისუფლებას ბელგრადში არჩევნების გაყალბებაში ადანაშაულებს და ამტკიცებს, რომ კენჭისყრის ოფიციალური შედეგები, რომლებმაც აჩვენა, რომ უმრავლესობა ვერცერთმა პოლიტიკურმა ძალამ ვერ მოიპოვა, ამომრჩეველთა ნებას არ ასახავს.
არჩევნების ჩატარების თარიღი 30 დღის განმავლობაში უნდა გამოცხადდეს. ოპოზიციური კოალიცია „სერბეთი ძალადობის წინააღმდეგ“ თვლის, რომ ეს მათი გამარჯვებაა.
