კოჯორში მდებარე იუნკრების მემორიალთან იმყოფებოდა საქართველოს პრეზიდენტი სალომე ზურაბიშვილი. მან 1921 წლის თებერვალში კოჯორ-ტაბახმელას ბრძოლებში დაღუპული იუნკრების ხსოვნას პატივი მიაგო და მემორიალი გვირგვინით შეამკო.
“ეს არის ისეთი დღე, რომელსაც მე კი არა, მთელი მოსახლეობა უნდა ესწრებოდეს”, – განაცხადა სალომე ზურაბიშვილმა.
პრეზიდენტის ადმინისტრაციამ გვირგვინი პარლამენტის ეზოში განთავსებულ იუნკრების მემორიალურ დაფასთანაც გაგზავნა.
