ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჯოზეფ ბორელმა ბრიუსელში საგარეო საქმეთა მინისტერიალის დაწყებამდე ქართველ ჟურნალისტებს განუცხადა, რომ ხვალ, 20 თებერვალს, საქართველოს პრემიერ-მინისტრ ირაკლი კობახიძეს შეხვდება. მან ასევე აღნიშნა, რომ საქართველო წარმატებით მიდის ევროინტეგრაციის გზაზე და მისი მთავარი მოწოდებაა ეს სვლა რეფორმების გზით უფრო დააჩქაროს.
„ხვალ შევხვდებით მე და თქვენი ქვეყნის პრემიერ-მინისტრი. ჩემი მთავარი გზავნილი იქნება, მოვუწოდო, გააგრძელონ მუშაობა ევროპულ გზაზე. ისინი კარგად მუშაობენ და ქართული საზოგადოების მხრიდანაც ძლიერი მხარდაჭერაა ევროინტეგრაციის მიმართ. ეს არის კარგი მომენტი საქართველოსთვის“, – განაცხადა ბორელმა.
