საქართველოს პრეზიდენტის სალომე ზურაბიშვილის ოფიციალურ ვებგვერდზე ჰაკერული თავდასხმა განხორციელდა.
სავარაუდოდ, თავდასხმა რუსულმა ჰაკერულმა ჯგუფმა განახორციელა. საიტზე შესულ ადამიანებს ხვდებოდათ წარწერა: „დაჰაკულია Cozy Bear-ის მიერ, დიდება რუსეთს“.
Cozy Bear ჰაკერების რუსული ჯგუფია, რომელიც დასავლური დაზვერვის სამსახურის ცნობით, „ფეესბეს“ ხელმძღვანელობით მოქმედებს.
ამ დროისთვის პრეზიდენტის ოფიციალური ვებგვერდი გათიშულია. ასევე წაშლილია ჰაკერების დატოვებული ტექსტი.
