პარტიამ “საქართველოსთვის” პრეზიდენტის პირდაპირი წესით არჩევის შესახებ ინიციატივა პარლამენტში წარადგინა. ამ ამბავს უკვე მოჰყვა გამოხმაურება პოლიტიკურ წრეებში. ოპოზიციის ნაწილი იწონებს ამ იდეას, თუმცა მისი განხორციელება არ მიაჩნია რეალისტურად. ხელისუფლების ოპონენტების ამ ნაწილს უფრო მნიშვნელოვან მიზნად ესახება ოპოზიციური კოალიციის შექმნა და შედეგ უკვე ხელისუფლების შეცვლა, რასაც ახალი კოალიციური მთავრობის ჩამოყალიბება უნდა მოჰყვეს. “ქართულ ოცნებაში” კი ამბობენ, რომ ძალაუფლების გადანაწილების საუკეთესო წესი უკვე არსებობს და მისი გადახედვა მიზანშეწონილი არ არის.
Search
