კატეგორიები

საპენსიო სააგენტომ 2023 წელი შეაჯამა

საპენსიო სააგენტომ 2023 წელი შეაჯამა
საპენსიო სააგენტოს წლის შემაჯამებელ შეხვედრაზე, სხვადასხვა პარამეტრების შეფასებები წარუდგინეს საზოგადოებას.

უწყების ცნობით, სააგენტოს ჯამური დანაზოგი 4 300 000 000 ლარს შეადგენს ასევე, საპენსიო ფონდში სააგენტომ შენატანების სახით 3 460 000 000 ლარი შეიტანა. სააგენტოს ხელმძღვანელი პირების ინფორმაციით, საპენსიო სქემაში სულ 1 297 000 მონაწილეა რეგისტრირებული, საიდანაც 118 000 ადამიანი და 12 260 კომპანია წელს დარეგისტრირდა.

“სააგენტომ 2019 წლიდან 6 900 პირზე გასცა 20 მლნ ლარის ოდენობის პენსია, საიდანაც 2023 წელს 3 535 მონაწილეზე – 13 მლნ ლარი. შესაბამისად, საპენსიო სააგენტო აგრძელებს მონაწილეთა ინტერესებით დაცვის მათ მომსახურებას და 2024 წლიდან საზოგადოების ინფორმირების აქტიურ რეჟიმში გადადის”, – ამბობს დირექტორის მოვალეობის შემსრულებელი გიორგი ჭიჭინაძე.

შემაჯამებელ შეხვედრაზე 2024 წლის 3 იანვრიდან მოსალოდნელ ცვლილებებზეც ისაუბრეს, რომლის თანახმადაც იმ მონაწილეთა აქტივები, რომლებსაც სასურველი საინვესტიციო პორტფელის შესახებ არჩევანი არ გაუკეთებიათ, ავტომატურად გადანაწილდებიან დაბალრისკიან, ანუ კონსერვატიულ, პორტფელში.

ამასთანავე, მონაწილეებს 2024 წლის 3 იანვრიდან საპენსიო სქემის მონაწილეებს შეეძლებათ თავად აირჩიონ საინვესტიციო პორტფელი ვადის გარეშე.

ალეკო გვეტაძე

დაკავშირებული ამბები
ევროკავშირი საქართველოსთან დაკავშირებით ახალი ზომების მიღებას განიხილავს საქართველოს დამოუკიდებლობის დღე ზეიმისა და პროტესტის ფონზე
სხვა ამბები