საქართველოს ცნობილი ფრანგი ქორეოგრაფი ოლივიე პატე სტუმრობს. მან თბილისის ოპერისა და ბალეტის თეატრში საბალეტო დასის მოცეკვავეებს მასტერკლასი ჩაუტარა. მისი კარიერა დაკავშირებულია ისეთ დიდ ვარსკვლავებთან, როგორებიც ჯორჯ ბალანჩინი, ჯერომ რობინსი და როლანდ პეტი არიან. ის ამბობს, რომ საბალეტო დასს ბევრი ნიჭიერი ახალგაზრდა შეემატა და ისინი ძალიან მაღალი დონის მოცეკვავეები არიან. ოლივიე პატე უკვე მეორეჯერ ატარებს მასტერკლასს. მისი თქმით, მისთვის ძალიან სასიამოვნოა, რომ საკუთარ გამოცდილებას მოცეკვავეებს უზიარებს. დასის მოცეკვავეების თქმით, უცხოელი ქორეოგრაფების ჩამოსვლა და მათთვის მასტერკლასების ჩატარება დიდი ნაბიჯია მათი განვითარებისთვის.
Search
