ევროკავშირის ქვეყნები მომავალი წლის გაზაფხულისთვის უკრაინისთვის საბრძოლო მასალის მიწოდებას გაზრდიან
საუბარია მილიონობით ჭურვზე, რომელიც ომში მყოფ ქვეყანას დაკარგული ტერიტორიის დაბრუნებაში დაეხმარება.
ამის შესახებ ევროკავშირის უმაღლესმა წარმომადგენელმა ჯოზეპ ბორელმა განაცხადა. მისი თქმით, მიუხედავად იმისა, რომ ევროპის ქვეყნებს საბრძოლო იარაღის 40% ექსპორტზე სხვა ქვეყნებში გააქვთ, მათთვის პრიორიტეტული უკრაინის მხარდაჭერა უნდა იყოს.
We are discussing today the EU‘s unshakable support to Ukraine in its defence against Russia‘s aggression.
Important update by Minister of Defence @rustem_umerov.
Our words are reflected in deeds. We have already provided support worth €27 billion and deliveries continue. pic.twitter.com/qV9gYy0jdJ
— Josep Borrell Fontelles (@JosepBorrellF) November 14, 2023
ევროპის წევრი ქვეყნის თავდაცვის მინისტრები შეფასებით, დაპირება მეტწილად სიმბოლურია. მნიშვნელოვანია ამ იდეის მხარდაჭერა და სისრულეში მოყვანა და იარაღის წარმოების დაჩქარება.
,,გაითვალისწინეთ, რომ ევროპის თავდაცვის ინდუსტრიას ექსპორტზე ბევრი საბრძოლო მასალა გააქვს. პროდუქციის დაახლოებით 40% გადის სხვა ქვეყნებში. ასე რომ, საწარმოო შესაძლებლობების ნაკლებობა არ არის. ისინი აგზავნიან თავიანთ პროდუქტებს სხვა ბაზარზე. ახლა მთავარია, ყველანაირად ვეცადოთ, რომ წარმოება მიმართული იყოს იმისკენ, რაც პრიორიტეტულია. ჩვენთვის კი უკრაინა არის პრიორიტეტი”, – განაცხადა ევროკავშირის უმაღლესმა წარმომადგენელმა ჯოზეპ ბორელმა.
