ისრაელის თავდაცვის ძალები, რომლებმაც ჩრდილოეთიდან და სამხრეთიდან მიიტანეს იერიში, ღაზის ცენტრში იმყოფებიან.
ისრაელის არმიამ გამოაქვეყნა ფოტოები, რომლებშიც ჩანს მობილიზებული ტანკები ღაზის ქალაქის მიმდებარედ. ფოტოები მანამდეა გადაღებული, სანამ მებრძოლები ღაზის უდიდესი ქალაქის დასაბრუნებლად დაიძვრებოდნენ.
სამხედრო ბაზაზე ვიზიტისას ისრაელის პრემიერ-მინისტრმა ბენიამინ ნეთანიაჰუმ ტაშით გაამხნევა ისრაელის ჯარი და განაცხადა, რომ მათ „ჰამასის“ მებრძოლების მიერ 7 ოქტომბრის თავდასხმის შემდეგ ფენომენალურ წარმატებას მიაღწიეს. მან მხარდაჭერა გამოუცხადა ისრაელელ ჯარისკაცებს.
עם הלוחמים שלנו בשטח. אנחנו לא מתכוונים להפסיק, אנחנו מתכוונים להמשיך עד לניצחון. אני סומך עליכם, מאמין בכם, ונותן לכם את כל הכח.
(צילום: חיים צח, לע״מ) pic.twitter.com/yTKu2WutLr
— Benjamin Netanyahu – בנימין נתניהו (@netanyahu) November 7, 2023
„სახმელეთო ოპერაციის დაწყებიდან ჩვენ გავანადგურეთ უამრავი შტაბი, გვირაბი, ასევე ბაზები, ,,ჰამასის“ ობიექტები. ,,ჰამასი“ აღმოაჩენს, რომ ჩვენ მივალთ იმ ადგილებამდეც, სადაც ვერც კი წარმოიდგენდა, რომ მივაღწევდით“,- განაცხადა ისრაელის პრემიერ-მინისტრმა ბენიამინ ნეთანიაჰუმ.
საჰაერო თავდასხმები ღაზის სექტორის გასანადგურებლად გრძელდება
ისრაელის თავდაცვის ძალებმა ღაზის სექტორის ჩრდილოეთ ნაწილში მცხოვრებ მოსახლეობას რეგიონის დატოვებისა და სამხრეთში გადასვლისთვის 4 საათის ვადა მისცა.
პალესტინის ჯანდაცვის სამინისტროს ცნობით, დაღუპულ პალესტინელთა რაოდენობამ 10,300-ს გადააჭარბა, მათგან ორი მესამედი ქალი და არასრულწლოვანია.
PM @DrShtayyeh: How many more Palestinians does #Israel have to kill in order to take revenge, how many wounded must bleed so that the invaders can enjoy the sound of the children’s anguish and the scenes of the mass killing of innocent people?#Gazahttps://t.co/6v6dHDbiP2 pic.twitter.com/I9DVLg5bxn
— PM of Palestine (@PalestinePMO) November 6, 2023
ღაზისთვის გაწეული ჰუმანიტარული დახმარება არასაკმარისია
სამშაბათს „წითელი ჯვრის“ საერთაშორისო კომიტეტმა განაცხადა, რომ ჰუმანიტარულ კოლონას – ხუთ სატვირთოსა და ორ მანქანას – ღაზის ქალაქთან ახლოს ცეცხლი გაუხსნეს.
ჰუმანიტარულ კოლონას საავადმყოფოებში სამაშველო და სამედიცინო საშუალებები გადაჰქონდა.
„წითელი ჯვრის“ საერთაშორისო კომიტეტს არ დაუკონკრეტებია, ვინ ესროლა მის კოლონას ან რა მიმართულებით გაჩნდა ცეცხლი.
